Мәдәният 27 декабрь 2019 20:27

Уфаның «Нур» театрында яңа спектакльдә геройларның язмышын тамашачы хәл итә

Спектакльне татар теленә Марат Кәбиров тәрҗемә иткән.

Скопировать ссылку

(Казан, 27 декабрь, «Татар-информ»). Уфаның «Нур» дәүләт татар театрында Дамир Сәлимҗановның «Мин көтәм сине» дигән лирик комедиясен премьерасы 26 декабрьдә булды. Спектакль тамашачыга геройларның алдагы язмышын хәл итү мөмкинлеге бирелү белән үзенчәлекле булып тора. Бу турыда «Башинформ» хәбәр итә.

Пьеса геройлары тарихы чын язмышлар һәм тормышлар буенча язылган. Бу хатын-кыз бәхете, ялгызлык һәм дуслык турында сөйләшү.

Спектакльне әзерләүчеләр вакыйгалар барышының ике вариантын уйлаган, алар гадәти булмаган персонаж игълан итә. Тамашачылар тавыш бирү ярдәмендә төп геройның язмышын билгели: тәкъдим ителгән вариантка кул күтәрә. Куллар күп күтәрелгән вариант спектакльнең сюжетын дәвам итәчәк.

Режиссер — Башкортстан һәм Татарстанның атказанган сәнгать эшлеклесе Байрас Ибраһимов. Музыкаль бизәлешне композитор Лилия Баярс эшләгән, сәнгать өлеше өчен Ләйсән Хөсәенова җавап биргән. Биюләрне Башкортстанның атказанган артисты Рамиза Мөхәммәтшина куйган.

#Башкортстан #"Нур" театры

Сәхифәләр

Уфаның «Нур» театрында яңа спектакльдә геройларның язмышын тамашачы хәл итә