news_header_top_970_100
16+
news_header_bot_970_100

Уфаның коммуналь хезмәтләре бозлавыкка каршы көрәшә

Шәһәр хакимияте автомобиль хуҗаларын игътибарлы булырга, тизлек режимын сакларга чакыра.

(Казан, 16 ноябрь, «Татар-информ»). Уфаның коммуналь хезмәтләре һава шартлары начараюга алдан ук әзерлек чараларын күрде, дип хәбәр итә «Башинформ» агентлыгы.

Кар һәм бозлы яңгыр башлану белән юлның катлаулы участокларына (күперләр, юл үткәргечләр, транспорт чишелешләре һәм башкалар), кешеләр эшкә барган чагында әлеге урыннарда тоткарлыклар килеп тумасын өчен, ком тарата торган техника җибәрделәр.

Хәзерге вакытта төп юлларда, магистральләрдә кар катламы күзәтелми, шулай да аерым участокларда «ботка» һәм бозлавык хасил булырга мөмкин. Томан төшү аркасында күз күреме начарланды. Шәһәр хакимиятләре автомобиль хуҗаларын игътибарлы булырга, тизлек режимын сакларга һәм куркыныч маневрлар ясамаска чакыра. Мондый һава торышы көн дәвамында сакланырга мөмкин.
 

autoscroll_news_right_240_400_1
autoscroll_news_right_240_400_2
news_bot_970_100