Мәдәният 13 гыйнвар 2010 14:11

Уфадагы татар сәхнә остасы үз концертына чакыра

“Лилия Фатыйхова никах яңарта” дип аталган концерт тулысынча шаян-көлкеле чыгышлардан торачак

Скопировать ссылку

(Уфа, 13 гыйнвар, “Татар-информ”, Фәнис Фәтхуллин). Башкортстандагы татар сәнгать осталары арасында иң билгелеләренең берсе, нәфис сүз остасы, Башкортстанның атказанган артисткасы Лилия Фатыйхова бүген кич Башкортстан дәүләт филармониясендә бик матур тамашага чакыра. “Лилия Фатыйхова никах яңарта” дип аталган концерт тулысынча шаян-көлкеле чыгышлардан торачак.
Кичәдә юбилярның тормыш иптәше, виртуоз баянчы Халит Фатыйхов, шулай ук талантлы уллары, танылган музыкантлар һәм композиторлар Илшат белән Айнур да катнаша. Лилия ханымның шушы күркәм концертында татар җырчылары Фәдис Ганиев, Лилия Биктимерова, юмор осталары Әхәт Уразмәтов белән Вәлит Илембәтов һәм башка сәхнә йолдызлары да катнаша.
Кечкенәдән милли җыр-моңнарыбыз белән кызыксынган Лилия башта мандолинада, аннан баянда уйнарга өйрәнә. Булачак артистка тәүдә Стәрлетамак мәдәният-агарту техникумында, аннан соң Уфа сәнгать училищесында белем ала. Шуннан бирле Башкортстан дәүләт филармониясендә иҗат итә ул. Озак еллар “Ихлас” эстрада төркемендә эшли. Шушында булачак тормыш иптәше Халит Фатыйхов белән таныша һәм гаилә корып җибәрәләр.
Талантлы кешенећ баласы да талантлы була, дилђр. Виртуоз баянчы Халит белђн нђфис сњз остасы Лилия Фатыйхованыћ љлкђн улы Илшат һәм кече уллары Айнур да төрле уен коралларында уйный алган оста музыкантлар булып танылды, тљрле дђрђќђ бђйгелђрдђ ќићеп, бњлђклђр яулады. Алар да бүген кич әниләренә үзләренең яңа чыгышлары белән иҗади теләктәшлек күрсәтәчәк, тамашага ямь өстәячәк.

Сәхифәләр

Уфадагы татар сәхнә остасы үз концертына чакыра