Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Уфадагы мәктәпкә Мәҗит Гафури исемен яңадан кайтарачаклар
Быел Башкортстанның беренче халык шагыйре Мәҗит Гафуриның тууына 140 ел тула.
(Казан, 6 февраль, «Татар-информ»). Уфада Мәҗит Гафури исемен йөрткән мәктәп үз атамасын югалтты. 2020 елда — Башкортстанның беренче халык шагыйренең тууына 140 ел тулуны билгеләп үтәсе елны — әлеге атаманы яңадан кайтару бурычы тора. Бу хакта «Башинформ» агентлыгы хәбәр итә.
«Чернышевский урамындагы элеккеге «Галия» мәдрәсәсе бинасында 1932 елдан бирле Мәҗит Гафури исемендәге мәктәп эшләде. Ул әлеге тарихи бинада урнашкан иде. Соңыннан аны коррекция мәктәбенә бирделәр, хәзер биредә Ислам университеты урнашкан. 1970 елларда мәктәпне башка бинага күчерделәр. Шул рәвешле, 15нче урта мәктәп үз исемен югалтты. Директор һәм мәктәп коллективы белем йортының Мәҗит Гафури исемен йөртүен белми дә. Шул хактагы указ сакланып калган», — дип белдерде Мәҗит Гафури исемендәге мәдәният фонды советы рәисе Люция Камаева.
Быел Мәҗит Гафуриның тууына 140 ел тула. Әлеге уңайдан сакланып калган барлык документларны әзерләп һәм җыеп, Уфа шәһәр Советына мәктәпкә Мәҗит Гафуриның исемен кире кайтару үтенече белән мөрәҗәгать итәргә ниятлиләр.
Кызыклы яңалыкларны күзәтеп бару өчен Телеграм-каналга язылыгыз