Мәдәният 19 гыйнвар 2019 10:14

Уфадагы "Евразия йөрәге” фестиваленә Юрий Шевчук, Әскәр Абдразаков, Земфира, Алсу килә

Быел 12-15 июньдә Уфа амфитеатрында “Евразия йөрәге” Халыкара сәнгать фестивале була.

Скопировать ссылку

(Казан, 19 гыйнвар, "Татар-информ"). Уфада “Евразия йөрәге” Халыкара сәнгать фестивалендә танылган якташлар - Юрий Шевчук, Әскәр Абдразаков, Земфира, Алсу чыгыш ясаячак. Йолдызлар чарада катнашырга ризалашкан инде. Бу хакта "Башинформ"агентлыгы хәбәр итте.

Хәзерге вакытта чыгыш ясау көннәре турында фикер алышу бара. "Голос" проекты финалчысы Рушана Вәлиева да җырларга вәгъдә итә. Россия Федерациясеең Милли гвардия гаскәрләренең үрнәк-күрсәтмә симфоник оркестры белән сөйләшүләр алып барыла, диелгән әлеге хәбәрдә.

12-15 июньдә Уфа амфитеатрында “Евразия йөрәге” Халыкара сәнгать фестивале узачак. Тамаша кысаларында Башкортстан Республикасы Милли симфоник һәм Яшьләр симфоник оркестрлары катнашында Симфоник төн, фольклор төркем катнашында этнотөн, милли костюмнар белән парад планлаштырылган.

#Башкортостан

Сәхифәләр

Уфадагы "Евразия йөрәге” фестиваленә Юрий Шевчук, Әскәр Абдразаков, Земфира, Алсу килә