Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Уфада язучы һәм әдәбият галиме Тимергали Килмөхәммәтов вафат булган
Мәрхүм белән хушлашу мәрасиме 3 майда 11.30 сәгатьтә Ф.Гаскәров урамы, 7нче йорт адресы буенча узачак.
(Казан, 3 май, «Татар-информ»). Уфада 80нче яшендә язучы, әдәбият белгече, Башкорт дәүләт университеты профессоры Тимергали Килмөхәммәтов инсульттан вафат булган.
«Башинформ» агентлыгы хәбәр иткәнчә, мәрхүм белән хушлашу мәрасиме 3 майда 11.30 сәгатьтә Ф.Гаскәров урамы, 7нче йорт адресы буенча узачак. Аны үзенең туган ягында – Кырмыскалы районы Ибраһим авылында җирләячәкләр.
Тимергали Килмөхәммәтов - «Мостай Кәрим драматургиясе» (1979), «Башкорт драматургиясе поэтикасы» (1995, икенче басма – 2008) монографияләре; «Драматургия һәм драматурглар» (1986) һ.б. китаплар авторы. Ул «Башкортостан» энциклопедиясе һәм «Башкорт әдәбияты тарихы» күптомлыгының актив авторы да. Тимергали Килмөхәммәтов күп еллар Мөхәммәтсәлим Өметбаевның тормыш юлын, иҗади мирасын һәм иҗтимагый эшчәнлеген өйрәнде.
Соңгы елларда Башкортстан матбугаты һәм журналистикасы проблемалары буенча нәтиҗәле фәнни эзләнүләр алып барды. Язучы, тәнкыйтьче һәм әдәбият белгече буларак ул башкорт әдәбияты үсешенә сизелерлек өлеш кертте, тәнкыйтьчеләр һәм әдәбият белгечләрен формалаштыру буенча даими эш алып барды. Башкорт дәүләт университетында күп еллар эшләү дәверендә йөзләгән журналист әзерләде.
Кызыклы яңалыкларны күзәтеп бару өчен Телеграм-каналга язылыгыз