Хәвеф-хәтәр 20 март 2018 20:34

Уфада яшәүче хатынны телевизор өчен ирен үтерүдә гаеплиләр

Телевизор каналларын сайлауда уртак фикергә килә алмагач, хатын элеккеге иренең йөрәгенә пычак белән кадаган.

Скопировать ссылку

(Казан, 20 март, “Татар-информ”). Башкортстан Тикшерү комитеты соравы буенча, суд Уфада яшәүче 36 яшьлек хатын-кызны сак астына алырга карар чыгарган. Аңа “Үтерү” маддәсе буенча гаепләү белдерелгән. Бу хакта “Башинформ” хәбәр итә.

Ведомствоның матбугат хезмәтендә хәбәр итүләренчә, 16 мартта кич белән бергә яшәүче элеккеге ир белән хатын өстәл артында бәйрәм иткән. Шуннан соң, алар телевизор караганда ачуланыша башлаган. Телевизор каналларын сайлауда уртак фикергә килә алмагач, хатын элеккеге иренең йөрәгенә пычак белән кадаган. Алган җәрәхәттән 41 яшьлек ир-ат урында ук үлгән.

Хәзерге вакытта әлеге җинаятьнең барлык сәбәпләре ачыклана. Кайбер эксперт тикшеренүләре билгеләнгән.

#җинаять

Сәхифәләр

Уфада яшәүче хатынны телевизор өчен ирен үтерүдә гаеплиләр