Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Уфада яңартылган курчак театры ачылды
23 декабрьдә Уфада «Мәдәният» илкүләм проекты кысаларында реконструкциядән соң тантаналы рәвештә Башкорт дәүләт курчак театры ачылды. Бу хакта «Башинформ» агентлыгы хәбәр итә.
Учреждениене яңарту эшләренә ике ел элек керештеләр, бу максатка барлыгы 1,38 миллиард сум акча бүлеп бирелгән. Тантаналы чара алдыннан, Кыш бабай һәм Кар кызының сәламләү сүзләреннән соң, Башкортстан Башлыгы Радий Хәбиров әкият персонажы – Уфаның символы булган сусарга театр ачкычын тапшырды. Төбәк Башлыгы яңартылган театрның эчен карады, балалар һәм яшьләр өчен мәдәни-массакүләм чаралар үткәрү, спектакльләр кую буенча учреждениенең яңа мөмкинлекләре белән танышты.
Яңартылган театр түбәсендә Җир шары моделе урнаштырылган, ул әйләнеп торачак һәм тәүлекнең караңгы вакытында якты утлар белән яначак. Бинаның фасадына да яктырту җайланмасы куелган, аның уемнарында зур курчак урнаштырганнар. Төсле витражлар һәм дизайнер алымнары театрны Башкортстан башкаласының визит карточкасына әверелдергән.
Реконструкциядән соң театрның мәйданы ике тапкырдан күбрәккә (2,5 меңнән 6,4 мең квадрат метрга кадәр) арткан.
Кызыклы яңалыкларны күзәтеп бару өчен Телеграм-каналга язылыгыз