Җәмгыять 1 гыйнвар 2017 15:22

Уфада яңа елдан троллейбус һәм трамвайларда йөрү арзанайды

Бүгенге көннән транспортта йөрү 22 сумнан 20 сумга калган.

Скопировать ссылку

(Казан, 1 гыйнвар, «Татар-информ»). Уфада яңа елдан троллейбус һәм трамвайларда йөрү арзанайды. Бу хакта "Башинформ" мәгълүмат агентыгы хәбәр итә.

Мондый яңа ел бүләген уфалыларга шәһәрнең муниципаль электротранспорт идарәсе үзенең 80 еллык юбилее һәм Яңа ел бәйрәме хөрмәтенә ясарга ниятләгән.

Бүгенге көннән транспортта йөрү 22 сумнан 20 сумга калды, дип хәбәр итә Уфа шәһәре хакимияте матбугат хезмәте.

Социаль челтәрләрдә бу хәбәрне төрлечә бәялиләр. Кайбер уфалылар моны "бу бәяне киметү түгел, бу сизелерлек тә түгел" дип ирония белдерсә дә, күпчелек "Яңа елдан бөтен әйбергә бәя артканда бу бик күңелле яңалык", дип, шатлануын белдергән.

#транспорт #юл йөрү хакы #транспортта йөрү

Сәхифәләр

Уфада яңа елдан троллейбус һәм трамвайларда йөрү арзанайды