Дин 27 февраль 2010 17:15

Уфада тагын бер мәчет ачылды

Башкортстан башкаласында янә бер Аллаһ йорты үз ишекләрен ачты

Скопировать ссылку

(Уфа, 27 февраль, “Татар-информ”, Фәнис Фәтхуллин). Башкортстан башкаласында янә бер Аллаһ йорты үз ишекләрен ачты. Уфаның Богдан Хмельницкий урамында ачылган мәчет бик зур булмаса да, шушы тирәдә яшәүчеләр аңа бик тә шатланды.
“Фәтхелислам” исемен алган яңа Ходай йорты ике зур бүлмәдән тора. Аны биредәге игелекле эшкуар Рәзиф Фәтхелисламов мөселманнарга бүләк итте.
Мәчетнең бер бүлмәсе мөселманнарга намаз уку һәм башка гыйбадәтләр кылуга җайлаштырылган. Ә икенче бүлмә уку-гыйлем эстәүгә тәгаенләнгән. Шунда ук китапханә дә эшли.
Мәчеттә бүгеннән үк инде ислам нигезләрен өйрәнү курслары эшли башлады. Биредә шулай ук танышулар хезмәте дә эшли. Киләчәктә яңа мәчеттә мөселман мәдәнияте музее да булдырылачак.

Сәхифәләр

Уфада тагын бер мәчет ачылды