Уфада Рудольф Нуриевның туган көне уңаеннан истәлекле чаралар әзерләнә
Иртәгә, 17 мартта, Рудольф Нуриевның туган көнендә, традиция буенча, күренекле биюченең Башкорт опера һәм балет театры бинасында урнаштырылган барельефына чәчәкләр салачаклар.
(Казан, 16 март, «Татар-информ»). Уфада Рудольф Нуриевның туган көненә багышланган истәлекле чаралар әзерләнә. Бу хакта «Башинформ» хәбәр итә.
Иртәгә, 17 мартта, Рудольф Нуриевның туган көнендә, күренекле биюченең Башкорт опера һәм балет театры бинасында урнаштырылган барельефына, традиция буенча, чәчәкләр салачаклар. Эрмитаж залында «Рудольф Нуриев. Аның хыял утравы» фильмы тәкъдим ителәчәк.
Тәкъдим итү кысаларында фильмның авторы, продюсеры һәм кинорежиссеры Евгения Тирдатова (Мәскәү) белән очрашу узачак.
Бу биюче һәм хореографның Төркия белән бәйле, ул анда үз йортын, үз утравын булдырырга теләгән вакытлары турында сөйли торган тулы метражлы документаль фильм. Әлеге картина Мәскәүдә «АртДокФильм» халыкара фестивален ачу фильмы булды.
Театраль Эрмитажда һәм фойеда Уфа чорлары, кинокадрларлардан фотографияләр, документлар күчермәләреннән төзелгән фотокүргәзмә ачыла.
Кич белән, 19.00 сәгатьтә, «Нуриев көннәре» проектын ачу планлаштырыла. Башкорт хореография көллияте гала-концерт күрсәтәчәк.