Уфада Рәми Гарипов исемендәге премия лауреатларын ачыкладылар. Бүләкләү тантанасы Рәми Гарипов исемендәге 1 нче гимназия-интернатында узды. «Башинформ» шул турыда яза.
Танылган режиссер, «Йөрәк сүзе» проекты авторы, Башкортстан Республикасының атказанган сәнгать эшлеклесе, Рәми Гарипов исемендәге мәктәп-интернатын 1980 елда тәмамлаган Наилә Сәфәргулова, «Йэншишмэ» газетасының баш мөхәррире, Башкортстанның атказанган матбугат һәм массакүләм мәгълүмат чаралары хезмәткәре, мәктәп -интернатны 1981 елда тәмамлаган Мирсәет Юнысов премиянең быелгы лауреатлары булды.
Гимназиядә укучылар арасында да 2023 ел премиясе лауреатлары билгеләнде. Алар – 11 сыйныф укучылары Зөлхизә Усманова, Илгизә Ярмөхәммәтова, Илназ Исхаков, Айдар Байсуваков һәм Элина Фәтхулисламова.
- Башкортстанның халык шагыйре, Салават Юлаев исемендәге Дәүләт премиясе лауреаты Рәми Гариповның тууына 2023 елда 91 ел тулды. Рәми Гарипов исемендәге премия 1994 елдан бирле бирелә.