Мәдәният 20 февраль 2018 19:52

Уфада Әнгәм Атнабаевның 90 еллыгына китап басылган

“Безнең Атнабай: шигырьләр, мәкаләләр, истәлекләр” исемле китапта язмалар башкорт, татар, рус телләрендә тәкъдим ителә.

Скопировать ссылку

(Казан, 20 февраль, “Татар-информ”). Уфада “Безнең Атнабай: шигырьләр, мәкаләләр, истәлекләр” исемле башкорт, татар, рус телләрендәге китап дөнья күрде. Биредә барлык материаллар Башкортстан халык шагыйре Әнгәм Атнабаевның тууына 90 ел тулу уңаеннан җыелган. Бу хакта “Башинформ” хәбәр итә.

Китап З.Биишева исемендәге “Китап” нәшриятында басылган. Беренче өлешенә кергән шигырьләрне рус теленә Н.Милованова тәрҗемә иткән.

Икенче өлештә коллегаларының, фикердәшләренең, шул исәптән Башкортстан халык шагыйре Наҗар Нәҗми, Татарстан халык шагыйрьләре Роберт Миңнуллин, Илдар Юзиевларның истәлекләре бирелгән.

Китапның автор-төзүчесе - Әнгәм Атнабаев иҗатын өйрәнүче, профессор Раиф Әмиров.

#Әнгам Атнабаев

Сәхифәләр

Уфада Әнгәм Атнабаевның 90 еллыгына китап басылган