news_header_top
16+
news_header_bot
news_top

Уфада Муса Гәрәев истәлегенә бокс буенча ярышлар башланды

Бәйге Бөек Җиңүнең 65 еллыгына багышланган

(Уфа, 5 май, “Татар-информ”, Фәнис Фәтхуллин). Уфада бүген татар халкының батыр улы, ике тапкыр Советлар Союзы Герое, хәрби очучы Муса Гәрәев истәлегенә бокс буенча XXXII Бөтенроссия мемориалы башланып китте.
Бөек Җиңүнең 65 еллыгына багышланган бәйгедә Башкортстан спортчыларыннан тыш Самара, Ырымбур, Чиләбе өлкәләре, шулай ук Санкт-Петербург боксчылары да катнаша.
Уфаның “Нефтяник” спорт комплексында бәйгеләрне тантаналы ачу чарасы оештырыла. Төштән соң шушы чаралар чикләрендә башкаланың Җиңү паркында Муса Гәрәевның каберенә чәчкәләр салу мәрәсиме дә була.
Бокс буенча алышлар 9 майга кадәр дәвам итәчәк. Башта сайлап алу ярышлары үтә. Аннан ярымфинал бәйгеләре оештырыла. Бөек Җиңүне билгеләү көнендә финал ярышлары һәм җиңүчеләрне бүләкләү тантаналары үтәчәк.
Халкыбыз каһарманы Муса Гәрәев истәлегенә аның туган ягы Илеш районында Җиңү марафоны да үткәрелә. Анда шушы төбәктәге җиңел атлетика осталары көч сынашачак.

news_right_1
news_right_2
news_bot