Дин 25 февраль 2020 16:10

Уфада Җәмигъ мәчете комплексында яңа бина ачылачак

Яңа бинаны ачу 19 июньгә планлаштырылган.

Скопировать ссылку

(Казан, 25 февраль, «Татар-информ»). Быел Уфада Россия Ислам университетының Җәмигъ мәчете комплексы территориясендә яңа бина ачылачак. Яңа бина ачылу Россия мөселманнарының Үзәк диния нәзарәте башлыгы Тәлгать Таҗетдиннең баш мөфти постында 40 еллык идарәсе белән бәйле. Бу хакта «Башинформ» хәбәр итә.

Яңа бинаны ачу 19 июньгә планлаштырылган. Әлеге тантаналы чараны оештыру турында республика башлыгы Радий Хәбиров белән очрашуда барлык конфессияләр лидерлары фикер алышты.

«Актив позициягез, зирәклегегез, уңышлы эшчәнлегегез өчен Сезгә рәхмәт әйтәсем килә. Безнең республика уникаль: аның территориясендә 100дән артык милләт вәкиле яши, барлык традицион дин вәкилләре дә бар. Әгәр без тыныч һәм тату яшәмәсәк, Башкортстанның үсеше мөмкин түгел. Уртак көч белән без төрле дин кешеләре арасында яхшы мөнәсәбәтләрне саклыйбыз», — дип билгеләп үтте регион җитәкчесе.

#Башкортстан #Тәлгать Таҗетдин

Сәхифәләр

Уфада Җәмигъ мәчете комплексында яңа бина ачылачак