Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Уфада “Көмеш Акбүз ат” IV халыкара кинофестиваленә гаризалар кабул ителә
Фестивальдә катнашырга теләүчеләр 15 июньгә кадәр гариза язарга һәм фильм тапшырырга тиеш.
(Казан, 8 май, “Татар-информ”). 24-27 августта Уфада “Көмеш Акбүз ат” IV халыкара кинофестивале узачак. Фестивальдә катнашырга теләүчеләр агымдагы елның 15 июненә кадәр гариза язарга һәм фильм тапшырырга тиеш. Бу турыда “Башинформ” агентлыгы хәбәр итә.
Башкортстанның Мәдәният министрлыгы кинофестивальдә социаль һәм мотивацион кино белән милли һәм этник кино номинацияләре буенча фильмнар тәкъдим итү планлаштырылган дип хәбәр итә.
Конкурстан тыш программа кысаларында соңгы елларда төшерелгән башкорт уен һәм анимацион кыска метражлы фильмнары, Россиянең һәм чит илләрнең уен һәм документаль фильмнары, башкорт киносына нигез салган Әмир Абдразаковның ретро-фильмнары күрсәтеләчәк.
Шулай ук түгәрәк өстәлләр, кино сәнгатенең танылган эшлеклеләре белән иҗади очрашулар, мастер-класслар, мәдәни-күңел ачу программалары, кино төшерү җиһазлары күргәзмәсе планлаштырылган.
Кинофестивальне Уфа хакимияте катнашында Башкортстан Хөкүмәте, Башкортстан Мәдәният министрлыгы, Әмир Абдразаков исемендәге “Башкортстан” киностудиясе гамәлгә куя.
Кызыклы яңалыкларны күзәтеп бару өчен Телеграм-каналга язылыгыз