news_header_top_970_100
news_header_bot_970_100

Уфада имам Хәсән-Гата Габәшинең 1928 елгы китабын әзерләп чыгарганнар

Хәсән-Гата Габәши — танылган композитор, башкорт профессиональ музыка сәнгатенә нигез салучыларның берсе Солтан Габәшиның әтисе.

(Казан, 18 гыйнвар, «Татар-информ»). Атаклы башкорт галиме, Россия Фәннәр академиясенең Уфа федераль тикшеренүләр үзәгенең Тарих, тел һәм әдәбият институтында бүлек мөдире Марсил Фәрхшатов имам Хәсән-Гата Габәшинең 1928 елгы «Минем биография» китабын әзерләп чыгарды. Китап Киото халыкара мөнәсәбәтләр университеты доценты, доктор Масуми Исогай белән берлектә бастырылган.

Китап Зәки Вәлиди исемендәге Милли китапханәгә бүләк итеп тапшырылган. Бу турыда «Башинформ» хәбәр итә.

«Без интеллектуалларыбызның, безнең милли мәдәниятебезне тудырган алдагы һәм узган гасыр затларының исемнәрен торгызабыз. Япон хезмәттәшләребез белән берлектә Хәсән-Гата Габәшиның автобиографиясен таптык, аны инглиз һәм рус телләрендә язылган факсимиле итеп чыгардык. Һәм бу китап дөньяның барлык китапханәләрендә диярлек таралган. Бүген бу авторлар, аларның әсәрләре белән кызыксыну яңадан туа», — дип сөйләде ул.

Хәсән-Гата Габәши озак еллар Оренбург дини җыенында эшләгән. Ул җәмәгать эшлеклесе, күп кенә уку йортларында укыткан һәм төркиләр тарихы буенча бик кызыклы китаплар язган.

Хәсән-Гата Габәши — танылган композитор Солтан Габәшиның әтисе.

news_right_column_1_240_400
news_right_column_2_240_400
news_bot_970_100