news_header_top_970_100
news_header_bot_970_100

Уфада халыкара ислам җыены башланды

Халыкара җыенның пленар өлеше бүген Башкортстан дәүләт филармониясендә тантаналы ачылды

(Уфа, 10 декабрь, “Татар-информ”, Фәнис Фәтхуллин). Бүген Уфада “Мәгарифтә ислам кыйммәтләре” дип аталган икенче халыкара фәнни-гамәли конференция башланып китте.
Әлеге җыенны оештыру башлангычы белән Башкортстан хөкүмәте каршындагы диннәр буенча шура, М. Акмулла исемендәге Башкортстан дәүләт педагогия университеты һәм Россия мөселманнары үзәк диния нәзаратының Россия ислам университеты чыкты.
Конференциядә Россия мөселманнары үзәк диния нәзараты рәисе, баш мөфти Тәлгать Таҗетдин, Башкортстан мөселманнары диния нәзараты рәисе, мөфти, Нурмөхәмәт Нигъмәтуллин, Башкортстан хөкүмәте каршындагы диннәр буенча шура рәисе Вячеслав Пятков, М. Акмулла исемендәге Башкортстан дәүләт педагогия университеты ректоры Раил Әсәдуллин, Уфаның “Ихлас” мәчете имам-хатибы Мөхәммәт Галләм катнаша һәм чыгыш ясый. Җыенга мәдрәсәләр җитәкчеләре, галимнәр, Россиянең төрле төбәкләреннән, шулай ук Таҗикстан, Үзбәкстан, Төркия, Алмания һәм Һиндстан дәүләтләреннән дин әһелләре дә кунак итеп чакырылган.
Халыкара җыенның пленар өлеше бүген Башкортстан дәүләт филармониясендә тантаналы ачылды. Төштән соң конференциядә катнашучылар Башкортстан дәүләт педагогия университетына барып, секцияләргә бүленеп эшләячәк. Җыен иртәгә дә дәвам итә.

news_right_column_1_240_400
news_right_column_2_240_400
news_bot_970_100