Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Уфада дирижер, Башкортстанның халык артисты Таһир Камалов вафат
Ул коронавирус инфекциясеннән соң өзлегүләрдән интеккән.
(Казан, 4 гыйнвар, «Татар-информ»). Уфада Башкортстан Республикасы Милли симфоник оркестрын оештыруның чишмә башында торган танылган дирижер, Башкортстанның халык артисты Таһир Камалов 59 яшендә авырудан соң вафат булды. Хезмәттәшләре аның коронавирус инфекциясеннән өзлегүләр белән көрәшүен, табиблар аны саклап кала алмавын сөйли. Бу хакта «Башинформ» хәбәр итә.
Таһир Камалов 1962 елның 2 июнендә туган. Уфа сәнгать училищесын баян классы буенча тәмамлаган, Уфа сәнгать институтында һәм Гнесиннар исемендәге Россия музыка академиясендә укыган. Казан консерваториясендә профессор Фуат Мансуровта опера-симфоник дирижерлык классы буенча стажер булган.
Германия, Польша, Украина, Швейцария, Япония симфоник оркестрлары белән чыгыш ясаган. Халыкара башкаручылар һәм дирижерлар конкурсы лауреаты (Женева, Швейцария, 1997). 1995 елда аңа Башкортстанның халык артисты исеме бирелгән, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз