Фән һәм мәгариф 28 декабрь 2019 08:27

Уфада борынгы төрки телне өйрәнү курслары ачыла

Борынгы төрки телне белү шәҗәрә төзегәндә фамилияләрне өйрәнүдә һәм тикшерүдә ярдәм итәчәк.

Скопировать ссылку

(Казан, 28 декабрь, «Татар-информ»). 8 гыйнварда Уфада Зәки Вәлиди исемендәге Милли китапханә «Борынгы төрки телне өйрәнү курсы» дигән яңа проект башлап җибәрә. Дәресләрне китапханәнең кулъязмалар һәм сирәк басмалар бүлеге мөдире, филология фәннәре кандидаты Флүр Сибагатов алып барачак. Беренче этапта ун дәрес планлаштырылган. Бу хакта «Башинформ» хәбәр итә.

Курслар ачылышына Башкортстанның туган якны өйрәнү җәмгыяте рәисе, Башкортстан Республикасы Милли музее генераль директоры, тарих фәннәре кандидаты Марат Зөлкарнаев чакырылган.

«Борынгы төрки тел — революциягә кадәрге чорда башкорт, татар һәм башка халыкларда кулланышта булган «Идел буе төрки теле» дип аталган язма тел», дип аңлаттылар курсларны оештыручылар.

Оештыручылар сүзләренчә, борынгы төрки телне өйрәнү безнең ватандашларыбызга шәҗәрә төзегәндә фамилияләрне өйрәнүдә һәм тикшерүдә ярдәм итәчәк.

#Башкортстан #төрки телләр

Сәхифәләр

Уфада борынгы төрки телне өйрәнү курслары ачыла