Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Уфада 54 яшендә сынчы Айрат Мәглиев вафат булган
Абыйсы социаль челтәрләрдә хәбәр иткәнчә, ул коронавирустан үлгән.
(Казан, 25 май, «Татар-информ»). 23 майда Уфада сынчы, Россия һәм Башкортстан рәссамнар берлеге әгъзасы Айрат Мәглиев вафат булды. Аңа 54 яшь иде. Абыйсы Рамил Мәглиев социаль челтәрләрдә хәбәр иткәнчә, ул коронавирустан вафат булган. Бу хакта «Башинформ» яза.
Айрат Рафаэль улы Мәглиев 1965 елның 6 апрелендә Уфа шәһәрендә туа. Соңгы елларда Түбән Тагилда яши һәм эшли. Вафатына кадәр Уфага кайткан була. Аны туган ягында җирлиләр.
Айрат Бошкорт дәүләт педагогия институтында (1991) сәнгать графика юнәлешендә махсус белем алган. 2003 елдан РФ Рәссамнар берлегенә алына. 1999 елдан «Ясфио» иҗат берләшмәсе әгъзасы, 2002 елдан җитәкчесе. 1997 елдан-Россия һәм халыкара симпозиумнарда, боз һәм агач скульптура фестивальләрендә, 2003 елдан республика күргәзмәләрендә катнаша. Эшләре «Art Light» галереясендә (Лондон, Англия), Россия һәм чит илләрдәге шәхси җыелмаларда (Финляндия) саклана.
«Башинформ» мәрхүмнең туганнарының һәм якыннарының тирән кайгысын уртаклаша, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз