news_header_top
16+
news_header_bot
news_top

Уфа «Нур» татар дәүләт театры премьера әзерли

23 һәм 24 июньдә Уфа «Нур» татар дәүләт театры сәхнәсендә танылган драматург Мансур Гыйләҗевнең «Ашыкма» пьесасы буенча куелган спектакльнең премьерасы була. Режиссеры – Башкортстанның халык артисты, Татарстанның атказанган сәнгать эшлеклесе Азат Җиһаншин. Бу хакта Бөтендөнья татар конгрессы матбугат хезмәте хәбәр итә.

Комедия сюжетының үзәгендә – алты герой. Экстресенс Земфира үткәргән сеанстан соң аларның тормышы баштанаяк үзгәрә. Бу спектакль – тормыш авырлыклары белән көрәшергә тырышып, иллюзияләргә ышанырга әзер булуыбыз турында ироник фикер йөртү булачак.

Спектакльне сәхнәгә куючы рәссам – Полина Емельянова, композитор һәм музыкаль җитәкче – Башкортстанның халык артисты һәм атказанган сәнгать эшлеклесе Юлай Үзәнбаев, хореограф – Башкортстанның атказанган артисты Чулпан Раянова, яктылык буенча рәссам – Марина Нурмөхәммәтова.

news_right_1
news_right_2
news_bot