Удмуртиянең татар яшьләре Түбән Кама сусаклагычы буенда слетка җыелды
Бирегә Пермь крае, Татарстан һәм Башкортстан республикаларыннан да яшьләр килгән.
Скопировать ссылку
(Казан, 14 июль, «Татар-информ»). Удмуртия Республикасының «Иман» татар яшьләре берлеге Түбән Кама сусаклагычы буенда — Әгерҗе районының Салагыш авылы янында яшьләр слеты оештырды. Бу хакта Бөтендөнья татар конгрессының матбугат хезмәте хәбәр итә.
Бирегә Удмуртия Республикасы, Пермь крае, Татарстан һәм Башкортстан республикаларыннан яшьләр килгән.
«Слетның искиткеч яхшы оештырылуы, тәмле ризыклар, күпсанлы бәйгеләр, мастер-класслар һәм призлар чарада катнашучыларда онытылмаслык хис-кичерешләр калдырачак», диелә бу хәбәрдә.
