Татар дөньясы 1 март 2019 20:09

Удмуртиянең "Татар кызы" исеме өчен ун кыз ярышачак

Җиңүче халыкара бәйгенең финалына юллама ала.

Скопировать ссылку

(Казан,1 март, "Татар-информ"). 5 апрель көнне Ижевск шәһәрендә "Татар кызы-2019" конкурсының төбәк җиңүчесен ачыклаячаклар. Бу хакта матурлык һәм сәләтлелек бәйгесенең социаль челтәрдәге сәхифәсендә хәбәр ителә.

"Иң гүзәл, уңган, телебезне, гореф-гадәтләребезне камил белүче 10 кыз “Татар кызы” исемен алу өчен тырышачак. Ә җиңүче кыз конкурсның финалында катнашачак", - диелә хәбәрдә.

Билгеле булганча, "Татар кызы-2018" Халыкара конкурсында Удмуртия Республикасыннан Диләрә Гыйльметдинова җиңү яулаган иде. Шунлыктан, халыкара конкурсның финалы да быел Ижевск шәһәрендә уздырылачак.

#ижевск #татар кызы

Сәхифәләр

Удмуртиянең "Татар кызы" исеме өчен ун кыз ярышачак