Удмуртиядә «Мирас» бәйге-фестивале булды
Скопировать ссылку
Удмуртия Республикасында Яшьләр елы кысаларында Милли мәдәниятләр үзәгендә «Мирас» бәйге-фестивале узды. Бу хакта Бөтендөнья татар конгрессының матбугат хезмәте хәбәр итә.
Конкурста 15 яшьтән 35 яшькә кадәрге артистлар өч номинация - вокал, сәнгатьле сөйләү, хореография буенча катнашты.
Татар халкының телен, мәдәниятен һәм гореф-гадәтләрен саклап калу максаты белән үткәрелгән конкурс җирле татарларының милли-мәдәни мохтарияте ярдәмендә узды. Катнашучыларны һәм кунакларны Можга шәһәре татарларының милли-мәдәни мохтарияте рәисе урынбасары Эльвира Насыйбуллина сәламләде.
Барлык катнашучылар дипломнар һәм истәлекле призлар белән бүләкләнде, диелә хәбәрдә.