Удмуртиядә юл-транспорт һәлакәтендә биш кешенең гомере өзелгән
“Тайота” белән идарә итүче 18 яшьлек егет каршы як полосага чыккан һәм “КАМАЗ” белән бәрелешкән.
Скопировать ссылку
(Казан, 7 гыйнвар, «Татар-информ»). Удмуртиядә җиңел машина белән сөт ташучы машина бәрелешү аркасында биш кешенең гомере өзелгән. Бу хакта Удмуртия Республикасы буенча Эчке эшләр министрлыгы матбугат хезмәте хәбәр итә.
Ведомство мәгълүматлары буенча, Алабуга-Пермь юлының 104нче чакрымында “Тайота” белән идарә итүче 18 яшьлек егет каршы як полосага чыккан һәм “КАМАЗ” белән бәрелешкән.
Һәлакәт аркасында машина йөртүче һәм аның дүрт пассажиры шунда ук үлгән.