Татар дөньясы 19 июль 2019 14:29

Удмуртиядә "Татар кызы. Нәни асылташ" конкурсына әзерләнәләр

Бәйгедә 5-7 яшьлек кызлар катнашырга хокуклы.

Скопировать ссылку

(Казан, 19 июль, “Татар-информ”). 1 августтан Ижевск шәһәрендә "Татар кызы. Нәни асылташ" бәйгесенә гаризалар кабул итү башлана. Бу хакта җирле татар яшьләренең "Иман" берләшмәсе хәбәр итә.

Бәйгедә 5-7 яшьлек татар кызлары катнашырга хокуклы. Иң мөһиме алар ана телен белергә тиеш. Кастинг ноябрь аенда узачак.

Шулай ук быел Удмуртия башкаласында "Татар кызы-2019" Халыкара бәйгесенең финалы узачак. Җиңүчегә кулдан эшләнелгән, ташлар белән бизәлгән таҗ һәм "Татар кызы" исеме тапшырылачак.

#татар кызы #удмуртия

Сәхифәләр

Удмуртиядә "Татар кызы. Нәни асылташ" конкурсына әзерләнәләр