news_header_top
16+
news_header_bot
news_top

Удмуртиядә Татар әдәбияты көннәре була

Шуңа 2 көн каралган

(Казан,  17 февраль, "Татар-информ"). Удмуртиядә киң җәмәгатьчелек катнашында Татар әдәбияты көннәре уздырылачак.

20 февральдә Ижевск шәһәрендә Туган тел көне кысаларында телебезне, гореф–гадәтләребезне саклап калу, мәдәнияткә мәхәббәт тәрбияләү максатыннан, Бөек Җиңүнең 70 еллыгына багышланган “Туган телем–иркә гөлем” дигән бәйрәм үткәрү ниятләнә.

20 февраль көнне шигырь уку, әдәби-музыкаль композиция һәм спектакль–миниатюралар, “Барысы да хәтердә” – видеофильмнар конкурслары; Муса Җәлил исемендәге китапханә белән танышу, әдәби-музыкаль кичә була. 21 февраль көнне Можга шәһәрендә шагыйрь Илгиз Кадыйровны искә алу кичәсе үткәрелә.

 Татар дәүләт конгрессы сайты шул хакта хәбәр урнаштырган.

news_right_1
news_right_2
news_bot