Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Удмуртия татарлары "Туган телем – иркә гөлем" бәйгесенә нәтиҗә ясады
Әдәби-музыкаль фестиваль Тукай туган көне уңаеннан, өченче ел рәттән оештырыла.
(Казан, 28 апрель, "Татар-информ", "Яңарыш"). Удмуртия татарларының милли-мәдәни автономиясе инде өченче ел Габдулла Тукайның туган көне уңаеннан “Туган телем – иркә гөлем” фестиваль-конкурсын уздыра. Елдан-ел аның географиясе киңәя, ә темасы үзгәреп тора, дип хәбәр итә Удмуртиянең “Яңарыш” татар газетасы.
Быел Ижевскиның Халыклар дуслыгы йортында уздырылган фестивальдә Удмуртиянең Можга, Кизнер, Балезино районнарыннан балалар, Ижевск шәһәренең 10 нчы һәм 6 нчы гимназия укучылары актив катнашты. Кунак буларак әдәби-музыкаль бәйрәмгә Татарстанның Минзәлә шәһәреннән Сабир Өметбаев исемендәге Татар драма театры артистлары чакырылган иде.
Әлеге фестиваль татар сыйныфында белем алган укучыларга, татар теле укытучыларына үзләренең осталыкларын башкаларга күрсәтергә, шулай ук башкалардан өйрәнү мөмкинлеге бирә. Анда катнашучылар “Җыр”, “Шигырь уку”, “Көмеш каләм”, “Мөгаллимлек осталыгы” номинацияләрендә бәяләнде.
Кызыклы яңалыкларны күзәтеп бару өчен Телеграм-каналга язылыгыз