Рәсми Татарстан 16 май 2024 21:46

Тышкы эшләр министры урынбасарына «ТР алдындагы казанышлары өчен» ордены медале бирелде

Скопировать ссылку

ТР Рәисе Рөстәм Миңнеханов XV KazanForum кысаларында Россия Тышкы эшләр министры урынбасары Александр Панкин белән очрашты. Ул тышкы эшләр министрлыгына республиканың халыкара хезмәттәшлеген үстерүдә ярдәм иткәне өчен рәхмәт белдерде. Шулай ук Панкинга «ТР алдындагы казанышлары өчен» ордены медален тапшырды, дип хәбәр итә ТР җитәкчесе матбугат хезмәте.

Миңнеханов КФУның астрономия обсерваторияләрен ЮНЕСКО исемлегенә кертү буенча зур эш башкарганы өчен аерым рәхмәт сүзләрен җиткерде.

Панкин Татарстанның Россиянең ислам дөньясы белән элемтәләрен ныгытуга керткән өлешен һәм бу көннәрдә республика башкаласында уздырыла торган икътисади форумның әһәмиятен билгеләп үтте.

ТР Рәисе шулай ук «ТАССР төзелүгә 100 ел» медале белән Россия Тышкы эшләр министрлыгының күп яклы гуманитар хезмәттәшлек һәм мәдәни элемтәләр департаменты директоры урынбасары Татьяна Довгаленконы бүләкләде.

Сәхифәләр

Тышкы эшләр министры урынбасарына «ТР алдындагы казанышлары өчен» ордены медале бирелде