Хәвеф-хәтәр 2 гыйнвар 2020 11:32

Тверьдагы торак йортта газ шартлау вакытында ике кеше зыян күргән

Барлыгы йортта яшәүче 52 кеше эвакуацияләнгән.

Скопировать ссылку

(Казан, 2 гыйнвар, «Татар-информ», Полина Шевчук). Тверьда торак йортта көнкүреш газы шартлаганда ике кеше зыян күргән. Бу хакта ТАСС хәбәр итә.

Гусев бульварындагы 19нчы йортта көнкүреш газы шартлау турында хәбәр бүген иртәнге җиденче яртылар тирәсендә ашыгыч хезмәтләрне бердәм чакыру 112 номерлы телефонына килгән.

Һәлакәттә ике кеше (ир-ат һәм хатын-кыз) тән җәрәхәте алган. Зыян күрүчеләрне ашыгыч рәвештә хастаханәгә илткәннәр.

Барлыгы подъезддан 52 кеше эвакуацияләнгән. Хәзерге вакытта кешеләр вакытлыча яшәргә күрше мәктәпкә урнаштырылган.

Урында тикшерүчеләр эшли. Фаҗиганең сәбәпләре ачыклана.

#шартлату #Тверь #112 хезмәте

Сәхифәләр

Тверьдагы торак йортта газ шартлау вакытында ике кеше зыян күргән