Җәмгыять 5 октябрь 2016 16:57

Туймазыда урта гасырдагы мәҗүсилек йоласыннан калган ук очлыклары табылган

Галимнәр әлеге урында борынгы мәҗүсиләр йоласы башкарылган дип саныйлар: укчылар укларын Аллаларга корбан итеп тауга аткан.

Скопировать ссылку

(Казан, 5 октябрь, «Татар-информ»). Туймазы районында Кандра авылы тирәсендә «Патриот» тарихи-археологик лагерьда шөгыльләнүче мәктәп балалары урта гасырдан калган 35 данә ук очлыгы тапканнар. Әлеге табылдыкларны РФнең Уфа фәнни үзәгенең тарих, тел һәм әдәбият институты археология бүлеге хезмәткәрләренә күрсәткәннәр, дип яза "Башинформ" агентлыгы.

Археологлар Владимир Овсянников һәм Вячеслав Котов Кандрага барып, ук очлыклары табылган урынны өйрәнгәннәр. Алар сүзләренчә, шундый ук очлыклар республиканың Гафури районында да табылган. Галимнәр әлеге урында борынгы мәҗүсиләр йоласы башкарылган дип саныйлар: укчылар укларын Аллаларга корбан итеп тауга атканнар, бу аларга уңыш китерергә тиеш булган. Уралда бу йола киң таралыш алган булган.

Кандра бистәсендә эзләнү эшләре дәвам итә. Студентлар һәм мәктәп укучылары катнашында археологик казылмалар алып бару планлаштырыла, дип хәбәр иттеләр муниципалитетта.

#табылдык #Туймазы

Сәхифәләр

Туймазыда урта гасырдагы мәҗүсилек йоласыннан калган ук очлыклары табылган