Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Туроператор сентябрьдә Кара диңгездә ял итү бәяләре турында сөйләде
Россиядә сентябрьдә өч кешелек гаилә өчен ял итү бер атнага 14 700 сумнан башлана. Бу хакта «Алеан» туроператоры матбугат хезмәтенә сылтама белән «Прайм» яза.
Көзен, сентябрь һәм октябрьдә, Кара диңгез буенда яшәү бәясе югары сезон белән чагыштырганда 10-30 процентка түбәнрәк. Әмма туристлар күпкә үтемлерәк бәягә уңайлы шартларга өметләнә ала.
Сочида, мәсәлән, иртәнге аш кергән кунак йортында яшәү җиде төн өчен 22 750 сумга чыга. Иртәнге аш кергән 3 йолдызлы кунакханәдә яшәү 38 150 сумнан, тулы пансион белән 58 100 сумнан, ә «барысы да кушылган» тарифлы кунакханәдә 73 581 сумнан башлана.
Анапада кунак йортында 14 700 сумнан башланган вариантлар табарга була, ә өч йолдызлы кунакханәдә ял 41 587 сумнан башлана.
Ике олы кеше һәм бала өчен җиде төнгә Кырымда иртәнге ашлы кунак йортында яшәү 17 500 сумнан, тулы пансионлы өч йолдызлы кунакхандә яшәү 44 100 сумнан, ә «барысы да кушылган» системалы кунакханәләрдә 80 860 сумнан башлана.
Шулай ук туристлар Калининград өлкәсе, Мәскәү, Кострома, Ярославль һәм Калуга өлкәләре кебек юнәлешләр дә карый ала. Мәсәлән, Вятское авылында (Ярославль өлкәсе) кунакханә комплексында бер атна яшәү (иртәнге аш кергән) 46 000 сумнан башлана.
Калининградта туклану кермәгән апартаментларны 22 400 сумга, Светлогорскида һәм Зеленоградскида 27 720 сумга табарга була. Бу шәһәрләрдә пляж кунакханәләрендә яшәү 90 300 сумнан башлана.
Кызыклы яңалыкларны күзәтеп бару өчен Телеграм-каналга язылыгыз