«Туполев» АҖ идарәче директоры һәм «Яковлев» ГАҖ генераль директоры вазифаларыннан китә
«Туполев» АҖ идарәче директоры Константин Тимофеев һәм «Яковлев» ГАҖ генераль директоры Андрей Богинский биләгән вазифаларыннан китә. Берләштерелгән авиатөзелеш корпорациясендә шулай дип белдерделәр.
Хәзер «Туполев» АҖ идарәче директоры вазифасын Берләштерелгән авиатөзелеш корпорациясенең дәүләт-оборона заказы һәм оператив-тактик авиация программалары белән идарә итү буенча генераль директор урынбасары Александр Бобрышев башкарачак. Ул 2009-2013 еларда әлеге вазифаны биләде инде. «Яковлев» гавами акционерлык җәмгыятен «Берләштерелгән авиатөзелеш корпорациясе» ГАҖ генераль директоры Вадим Бадеха җитәкләячәк, ул бүгеннән ике вазифаны да башкарачак.
«Идарә итүне Берләштерелгән авиатөзелеш корпорациясенең баш компаниясенә тапшыру Россия гражданлык лайнерлары линейкасын серияләп җитештерүне үз вакытында сертификатлаштыру һәм җайга салу буенча конкрет бурычларны үтәүдә корпорациянең барлык ресурсларын бергә тупларга мөмкинлек бирәчәк», - дип искәрттеләр Берләштерелгән авиатөзелеш корпорациясе матбугат хезмәтендә.