Тулысынча диярлек янып беткән Йолдыз (Эчкен) авылында төзелеш эшләре бара
24-25 май көннәрендә Татарстан Республикасының Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Курган өлкәсенең Йолдыз (Эчкен) авылына барган иде. Биредә Васил Шәйхразыев Курган өлкәсе губернаторы Вадим Шумков һәм милләттәшләребез белән очрашты.
Бу очрашудан соң Йолдыз (Эчкен) авылында төзелеш эшләре тизләнде. Сәрия Валиеваның (фотосүрәттә) түбәсен алыштырдылар. Ә инде 31 май көнне беренче йортның фундаментын салачаклар, дип хәбәр итте Бөтендөнья татар конгрессы.
Фото: © https://tatar-congress.org
Исегезгә төшерәбез, 8 май иртәсендә Курган өлкәсендәге татар авылы тулысынча диярлек янып бетте. Бары тик мәчет, берничә йорт, мәктәп һәм мәдәният йорты гына калды. Бүгенге көндә зыян күрүчеләргә тиз арада авылны торгызу, төзелеш буенча эшләр башларга кирәк. Шуңа күрә авыл халкына матди ярдәм җыю өчен махсус счет ачылды. Теләге булган һәр кеше, түбәндәге күрсәтмәләргә нигезләнеп, Йолдыз авылы халкына матди ярдәм күрсәтә ала.
- Ярдәм итәргә теләүчеләр өчн реквизитлар