Тулып ага шагыйрь күңеле...
«Татар-информ» мәгълүмат агентлыгы «Ядкярләрдә Тукай рухы» әдәби конкурсында җиңү яулаган катнашучыларның эшләрен тәкъдим итә. Әдәби бәйге Татарстан Республикасы Милли музее һәм Габдулла Тукай әдәби музее тарафыннан оештырыла. Әлеге эшләр беренче тапкыр матбугатта тәкъдим ителә.
Кара савыты
Карап тора маэмай
Игътибар белән:
Тукай язган һәр сүз,
Һәр хәреф сибелә канаттан.
Кара таммый, тезелә сүзләр,
Моңлы сагыш, тормыш агышы.
Ак кәгазьгә агыла бертуктаусыз.
Кече Апуш – Тукай чорлары.
Чоры гына түгел, татар үткән
Ачы язмыш, халкым моңнары.
Кара савыты тулы...
Тулып ага шагыйрь күңеле.
Ап-ак кәгазь бите…
Кара тамгалар.
Әлмәт районы, Кичучат авылыннан Хәсәншина Азалия Илгиз кызы, 2025 ел.