Мәдәният 11 март 2006 13:10

^Тукайга багышланачак

Скопировать ссылку

(Снкт-Петербург, 10 март, “Татар-информ”, Зәрия Хәсәнова). Татарстанның атказанган сәнгать эшлеклесе, Русия Рәссамнәр берлеге әгъзасы Рәшид Гыйләҗевнең төньяк башкаладагы остаханәсендә татар халкының бөек шагыйре Габдулла Тукайның 120 еллыгына багышланган кичәсе узачак. Хәзерге вакытта бу кичәгә әзерлек бара.

Ул көнне остаханә Габдулла Тукайның тормыш һәм иҗат юлын чагылдырган рәсемнәр белән бизәләчәк. Рәшид Гыйләҗевның тормыш иптәше Халидә ханым Тукайга багышлап бик күп шигырьләр язган. Басарга җыентык әзерләп тапшырган. Бу чарада ул шул шигырьләрне укып ишеттерәчәк. Халидә ханым Татарстанның Бавлы районында туып- үскән. Унике яшьтән шигырьләр һәм хикәяләр яза.

Очрашуга журналистика ветераны, озак еллар «Азат хатын» (хәзер «Сөембикә» журналы) баш мөхәррире булып эшләгән Роза Туфитулованың да килүе көтелә.

Сәхифәләр

^Тукайга багышланачак