Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Тукай районының чыгарылыш сыйныф укучылары Санкт-Петербургта сәяхәттә булды
Тарихи шәһәргә юлламаларны балаларның әти-әниләре аттестат тапшыру кичәсендә бүләк иткәннәр.
(Тукай районы, 21 июль, "Татар-информ", "Якты юл"). Быел Татарстанның Тукай районы Кнәз мәктәбен тәмамлаган укучылар күптән түгел Санкт-Петербург шәһәрендә экскурсиядә булып кайтты. Тарихи шәһәргә юлламаларны балаларның әти-әниләре аттестат тапшыру кичәсендә бүләк иткәннәр иде, дип яза "Якты юл" газетасы.
Егет-кызлар Эрмитажда, Петропавловск крепостенда, Екатерина мәйданында һәм шәһәрнең башка истәлекле урыннарында булдылар, Царское село, Петергоф, Кронштадт кебек шәһәрдән читтәге урыннарга чыктылар, Җәйге бакчада, Екатерина паркында, Могҗиза утравы паркында ял иттеләр. «Төньяк Венеция» елгалары һәм каналлары буйлап теплоходта сәяхәт итү, Санкт-Петербургның күтәрелә торган күперләре, ак төннәре дә балалар күңелендә озак сакланыр әле. Бу экскурсия егет-кызларны тагын да берләштерде, дуслыкларын ныгытты, үсмерләрнең мөстәкыйль тормышка әзер булуларын исбатлады. Үзләренә шундый онытылмас мизгелләр бүләк иткәннәре өчен балалар ата-аналарына бик рәхмәтле калды, дип яза чыгарылыш укучыларының сыйныф җитәкчесе Рәмилә Фәррахова.
Кызыклы яңалыкларны күзәтеп бару өчен Телеграм-каналга язылыгыз