Тукай районында урманда хәле начарайган өлкән яшьтәге гөмбәчене коткарганнар
Гөмбәче үз аңында, ә кул-аяклары боз кебек салкын булган, ул бер адым да атлый алмаган.
Скопировать ссылку
(Казан, 20 август, «Татар-информ»). Татарстанның Тукай районында урманда хәле начарайган өлкән яшьтәге гөмбәчене коткарганнар. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Кичә 112 бердәм номерына «Цыганский табор» кафесы янындагы урманда 69 яшьлек ир-атның кисәк кенә хәле начарюы хакында хәбәр килгән.
Коткаручылар пенсионерны юлдан 20 метр читтә табып алган. Гөмбәче үз аңында, ә кул-аяклары боз кебек салкын булган, ул бер адым да атлый алмаган.
Пенсионерны 5нче хастаханәгә озатканнар.
