Авыл 19 ноябрь 2018 07:00

Тукай районында төерле дерматит авыруын кисәтү өчен 16 меңгә якын малга вакцина ясалган

Районда 3 меңгә якын мөгезле вак терлеккә ветеринария хезмәте күрсәтелә.

Скопировать ссылку

(Тукай районы, 19 ноябрь, "Татар-информ", "Якты юл", Алена Фазылова). Тукай районында төерле дерматит авыруын кисәтү өчен 16 меңгә якын малга вакцина ясалган. Бу турыда җирле басма хәбәр итә.

Районның баш эпизоотологы Әлфирә Харисова аңлатуынча, төерле дерматит белән авыручы сыерларның гадәттә сөте кими, еш кына буазларның бозаулары корсагында үлә, авырган үгезләрдә исә үрчем булмый. Авыру терлекләрне бизгәк тота, тиреләре, лайлы ярылары, лимфа системасы зарарлана.

Бүгенге көндә район авыл хуҗалыгы предприятиеләрендә 16 меңгә якын мөгезле эре терлеккә һәм 3 меңгә якын мөгезле вак терлеккә ветеринария хезмәте күрсәтелә.

"Төерле дерматит авыруын кисәтү өчен районда мөгезле эре терлекләрне вакцинацияләү үткәрелә. 15960 баш малга вакцина ясалды," - диде районның баш эпизоотологы Әлфирә Харисова.

Районның ветеринария белгечләре мөгезле эре терлекләрне асраучы тукайлыларның сак hәм уяу булуларын сорый.

#Тукай #Якты юл

Сәхифәләр

Тукай районында төерле дерматит авыруын кисәтү өчен 16 меңгә якын малга вакцина ясалган