Җәмгыять 13 июль 2018 05:00

Тукай районында комбайнын иң яхшы итеп әзерләгән механизаторга премия биреләчәк

14 июль көнне районда хуҗалыкларның урып-җыюда катнашачак техникасы тикшереләчәк.

Скопировать ссылку

(Тукай районы, 13 июль, "Татар-информ", "Якты юл" ). Тукай районында комбайнын иң яхшы итеп әзерләгән механизаторга премия биреләчәк, дип яза җирле басма.

14 июль көнне районда хуҗалыкларның урып-җыюда катнашачак техникасы тикшереләчәк. Тикшерү «Р-Агро» агрофирмасында башланып, көн дәвамында сигез хуҗалыкта узачак. Комиссия әгъзалары бөртек суктыру комбайннарының әзерлеген, техниканың төзеклеген, Ростехнадзордан рөхсәт кәгазе булу-булмауны, янгын сүндерү җайланмасы, медицина ярдәме күрсәтү өчен аптечкасы, комбайнчының махсус эш киеме белән тәэмин ителешен һәм башка таләпләрне тикшерәчәк. Иң яхшы әзерлеклеләргә урында ук премия бирү каралган.

#Тукай #Якты юл

Сәхифәләр

Тукай районында комбайнын иң яхшы итеп әзерләгән механизаторга премия биреләчәк