Авыл 12 сентябрь 2017 23:00

Тукай районында игеннәрнең хәзергә 71 проценты җыелган

Тукай районында барлыгы 116 мең 606 тонна икмәк җыелган.

Скопировать ссылку

(Тукай районы, 12 сентябрь, "Татар-информ","Якты юл"). Урып-җыю эшләре әлегә Тукай районында 71 процентка гына башкарылган, барлыгы 116 мең 606 тонна икмәк җыелган, дип яза җирле басма.

Игенчеләр уракны тәмамлау өчен яңгырлар туктаганны көтәләр. Шулай да берничә хуҗалыкта эш инде ахырына якынлаша. Район авыл хуҗалыгы һәм азык-төлек идарәсенә сишәмбегә бирелгән мәгълүматлар буенча, «Чаллы яшелчәсе+» агрофирмасында урып җыюның – 95, «Ярыш»та – 96, «Биклән»дә 98 проценты тәмамланган. Аларда язгы бодайны җыеп бетерәсе бар. «Кама-Бекон»да люпин калып бара. Дүшәмбе көнне, һава торышы бераз ачылып алганда, «Кама» агрофирмасы бераз суктыра алган. Алар бер көнгә 138 гектар мәйданны җыйганнар. Көзге чәчү, туңга сөрү эшләре яңгырга карамыйча дәвам итә.

#Тукай #Якты юл

Сәхифәләр

Тукай районында игеннәрнең хәзергә 71 проценты җыелган