Тукай районында бер ир кеше янып үлгән
Янгын бакча йортында чыккан.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 12 сентябрь, "Татар-информ", Светлана Белова). 10 сентябрь көнне 112 диспетчерлык хезмәте телефонына Тукай районының Илбакты авылында шәхси йортта чыккан янгын турында хәбәр килеп ирешкән. Бу хакта РФ гадәттән тыш хәлләр министрлыгының Татарстан буенча идарәсенең мәгълүмат бүлеге җитәкчесе Марат Рәхмәтуллин хәбәр итте.
Янгын сүндерүчеләр 4 минуттан килеп җиткән. Янгынның төзүчеләр өчен корылган вагонда чыкканлыгы ачыкланган, вагон бакча йорты буларак кулланылган. Күршеләр вагон эчендә хуҗа кешенең булуы ихтимал, дип белдергәннәр.
20 минуттан соң янгын сүндерүчеләр 71 яшьлек ир-атның мәетен тапканнар.
Янгынның мичне дөрес кулланмау, янгын куркынычсызлыгы кагыйдәләрен бозу аркасында килеп чыкканлыгы мәгълүм.
