Җәмгыять 26 апрель 2017 07:00

Тукай районы ветераннарына Татарстан Президентыннан бүләкләр җибәрелде

Бүген Тукай районында Бөек Ватан сугышында катнашкан 24 кеше яши.

Скопировать ссылку

(Тукай, 26 апрель, "Татар-информ", "Якты юл"). Тукай районы ветераннарына Татарстан Президентыннан бүләкләр җибәрелде. Бүген Тукай районында Бөек Ватан сугышында катнашкан 24 кеше яши, дип яза район газетасы.

Аларның иң өлкәне тиздән 99 яшен тутырачак. Шамил Хәмәтов Калмаш авылында гомер итә. Сугыш ветераннарыннан бер хатын-кыз – Круглое Поле бистәсеннән Ольга Левицкая фашист концлагере тоткыны.

Сугыш толлары исә районда барлыгы 147 кеше. Андыйлар Бәтке, Биклән, Теләнче Тамак, Боерган авыл җирлекләрендә күп. Тыл хезмәтчәннәреннән 495 кеше исәпләнә. Теләнче Тамак, Күзкәй, Әҗмәкәй, Бәтке, Биклән авыл җирлекләрендә андыйлар 30ардан артык.

Шушы көннәрдә аларның барысына да Татарстан Республикасы Президенты Рөстәм Миңнеханов имзасы куелган бәйрәм открыткалары җибәрелде. Сугыш ветераннары һәм толларына исә, открыткага өстәп, азык-төлек җыелмалары да биреләчәк. Казаннан кайткан бүләкләр авыл җирлекләренә озатыла башлады инде.

#Тукай #Якты юл

Сәхифәләр

Тукай районы ветераннарына Татарстан Президентыннан бүләкләр җибәрелде