Җәмгыять 4 апрель 2018 04:00

Тукай районы Калмия авылы яшүсмерләре наркотикларның зыяны турында сөйләштеләр

Шулай ук наркоманиягә һәм наркотик матдәләрне законсыз куллануга каршы көрәш темасына күргәзмә оештырылды.

Скопировать ссылку

(Тукай районы, 4 апрель, "Татар-информ", "Якты юл", Энҗе Галиәхмәтова). Тукай районы Калмия авылының китапханәсендә «Өмет» балалар клубы белән берлектә наркоманиягә һәм наркотик матдәләрне законсыз куллануга каршы көрәш темасына күргәзмә оештырылды, дип яза җирле басма.

Чараның дискуссия рәвешендә узган беренче өлешендә яшүсмерләр наркотиклар, аларның төрләре, китергән аянычлы нәтиҗәләре турында сөйләштеләр, бер-берсе белән фикер алыштылар. Шулай ук балалар "Бәхәсле караш" һәм "Мин каршы" уеннарында, наркотикларга каршы әйтелгән "4 юк кагыйдәсе" серләренә төшенеп, сәламәт яшәү рәвеше турында хикәя дә яздылар. Яшүсмерләр бәйгеләрнең һәрберсендә дә зур теләк белән бик актив катнашып, булган проблеманы ничек күзаллауларын аңлатып бирделәр, үзләре өчен нәтиҗә ясап, фикерләре белән уртаклаштылар.
,

#Тукай #Якты юл

Сәхифәләр

Тукай районы Калмия авылы яшүсмерләре наркотикларның зыяны турында сөйләштеләр