Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Тукай районы Күзкәй авылы китапханәсе укучысы янына үзе чыга
«Китап укучысын эзли» акциясе авыл урамында беркемне дә битараф калдырмаган.
(Тукай районы, 21 август, "Татар-информ", "Якты юл"). Тукай районы Күзкәй авылы китапханәсе укучысы янына үзе чыга, дип яза җирле басма.
Кешене хәзер китапханәдә генә көтеп утырып булмый, дип хәбәр итте безгә Күзкәй авылы китапханәчесе Тәнзилә Шәйхнурова. Биредә бик шәп алымны куллана башлаганнар. Сез китапханәгә килмәсәгез, китапханә үзе сезгә килә, дип алар ачык һавада китап күргәзмәсе оештырган.
«Китап укучысын эзли» акциясе авыл урамында беркемне дә битараф калдырмаган. Балалар да, өлкәннәр дә – һәммәсе туктап, белем чишмәсеннән рухи азык алган. Авыл халкы үзләренә ошаган китаплар белән танышкан. Ә китапханә мөдире Тәнзилә Шәйхнурова яңа кайткан китаплар белән таныштырган, кызыксындырган сорауларга җавап биргән. Шулай ук өйләренә китап алып китүчеләр дә булган. Мондый акцияләрне үткәрүне киләчәктә дә дәвам итәргә ниятлиләр Күзкәй авылы китапханәсендә.
Кызыклы яңалыкларны күзәтеп бару өчен Телеграм-каналга язылыгыз