Тукайның вафатына 110 ел тулу уңаеннан шагыйрьнең Мәскәүдәге һәйкәленә чәчәк куйдылар
Скопировать ссылку
Татарстанның Россиядәге вәкаләтле вәкиллеге телеграм-каналы
Татарстанның Россиядәге вәкаләтле вәкиллеге һәм Татар мәдәнияте үзәге хезмәткәрләре Мәскәүдә бөек татар шагыйре Габдулла Тукайның вафатына 110 ел тулу уңаеннан аның һәйкәленә чәчәк куйды.
«Бөек шагыйрьнең тормышы һәм иҗаты – халыкка хезмәт итү үрнәге. Тукай 1913 елның 15 апрелендә Казанда вафат була. Яшь шагыйрь белән хушлашырга ун меңгә якын кеше килә», - диелә вәкаләтле вәкиллекнең телеграм-каналда урнаштырылган хәбәрендә.
Тантанада Татарстанның Россиядәге вәкаләтле вәкиле урынбасары Эмиль Фәйзуллин, Мәскәү татарлары автономиясе җитәкчесе Фәрит Фарисов, Мәскәүнең Татар мәдәнияте үзәге директоры Әнвәр Хөсәенов катнашты.