Тукай районыннан махсус операциядә катнашучы хәрбигә автомобиль тапшырдылар
Тукай районында җирле халык, мәдәният хезмәткәрләре һәм депутат ярдәме белән махсус операция зонасына автомобиль җибәрделәр. Автомобильдә хәрби хәрәкәтләр зонасына Яңа Троицки авылыннан хәрби хезмәткәр Евгений китте.
Нива автомобилен сатып алу өчен акча җыюны егетнең әти-әнисе башлап җибәргән. Бу эштә мәдәният хезмәткәрләре җитди ярдәм күрсәткән. Яңа Троицки авылы мәдәният йорты директоры Екатерина Шумейкина һәм сәнгать җитәкчесе Юлия Ванина хәйрия концерты уздыру инициативасын тәкъдим иткән. Чара дистәләгән кешене берләштергән: һәр тамашачы үз өлешен керткән.
Инициативага Тукай районы депутаты, махсус хәрби операция активисты, «Хезмәт итү» премиясе финалисты Валерий Тигр да кушылган.
«Бу «Нива» – машина гына түгел. Бу – алгы сызыктагы егетләребезгә рәхмәт белдерү ысулы», - дип билгеләде Валерий Тигр.