Тукай районында «Тау башына салынгандыр безнең авыл» иҗади бәйгесе игълан ителде
Скопировать ссылку
Тукай районында бөек татар шагыйре Габдулла Тукайның тууына 140 ел һәм Тукай муниципаль районы төзелүгә 50 ел тулу уңаеннан «Тау башына салынгандыр безнең авыл» дип аталган иҗади конкурс игълан ителде. Бу хакта «Якты юл» газетасы яза.
Бәйге ике юнәлештә уздырыла:
– рәсем сәнгате (рәсем, графика, декоратив-гамәли иҗат);
– әдәби (шигырьләр, хикәяләр, эсселар).
Эшләр 2026 елның 6 февраленә кадәр кабул ителә.
Конкурста катнашу шартлары белән районның мәгариф учреждениеләрендә танышырга мөмкин.