Махсус операция зонасында һәлак булган 23 яшьлек хәрбине Тукай районында җирләделәр
Скопировать ссылку
Татарстанның Тукай районында туып-үскән 23 яшьлек рядовой Андрей Малахов 2 сентябрьдә махсус хәрби операция барышында бурычын үтәгәндә һәлак булган. Хәрбине Новотроицкое авылына алып кайтып җирләделәр. Бу хакта «Якты юл» сайтында хәбәр ителә.
Хәрби белән хушлашу мәрасимендә район башлыгы Фаил Камаев һәм Россия пенсия һәм социаль иминиятләштерү республика фонды башлыгы Эдуард Вафин катнашты.
Алар батырның якыннарының авыр кайгысын уртаклашты.
«Якташыбыз Андрей Александрович үз үрнәге белән рух көчен, хәрби батырлыкны күрсәтте. Гомеренең соңгы секундларына кадәр ул антына тугры калды. Без үз районыбызда туып-үскән героебызны истә тотачакбыз, аның исеме күңелебездә озак сакланыр», диелгән хәбәрдә.